ਬੀਜਿੰਗ, 31 ਮਾਰਚ – ਯੂਕ੍ਰੇਨ ਜੰਗ ਦਰਮਿਆਨ ਬੀਜਿੰਗ ਦਾ ਦੌਰਾ ਕਰਨ ਵਾਲੇ ਰੂਸੀ ਵਿਦੇਸ਼ ਮੰਤਰੀ ਸਰਗੇਈ ਲਾਵਰੋਵ ਦੀ ਮੇਜ਼ਬਾਨੀ ਕਰਦੇ ਹੋਏ, ਚੀਨ ਨੇ ਕਿਹਾ ਕਿ ਦੋਵਾਂ ਸਹਿਯੋਗੀਆਂ ਦਰਮਿਆਨ ਸਹਿਯੋਗ ਦੀ ਕੋਈ ਹੱਦ ਨਹੀਂ ਹੈ। ਰੂਸ ਦੀ ਸਰਕਾਰੀ ਸਮਾਚਾਰ ਏਜੰਸੀ ਤਾਸ ਦੀ ਖ਼ਬਰ ਮੁਤਾਬਕ ਅਫਗਾਨਿਸਤਾਨ ਤੇ ਵਿਦੇਸ਼ ਮੰਤਰੀਆਂ ਦੀ ਤੀਸਰੀ ਬੈਠਕ ਲਈ ਲਾਵਰੋਵ ਪੂਰਬੀ ਚੀਨ ਦੇ ਅਨਹੁਈ ਸੂਬੇ ਦੇ ਟੁਨਕਸੀ ਪਹੁੰਚੇ।
ਚੀਨ-ਰੂਸ ਸਬੰਧਾਂ ਦੀਆਂ ਸਰਹੱਦਾਂ ਦਾ ਵਰਣਨ ਕਰਨ ਲਈ ਪੁੱਛੇ ਜਾਣ ਤੇ ਵਿਦੇਸ਼ ਮੰਤਰਾਲਾ ਦੇ ਬੁਲਾਰੇ ਵਾਂਗ ਵੇਨਬਿਨ ਨੇ ਇਥੇ ਇੱਕ ਮੀਡੀਆ ਬ੍ਰੀਫਿੰਗ ਵਿੱਚ ਕਿਹਾ ਕਿ ਚੀਨ-ਰੂਸ ਸਹਿਯੋਗ ਦੀ ਕੋਈ ਹੱਦ ਨਹੀਂ ਹੈ, ਸਾਡੇ ਲਈ ਸ਼ਾਂਤੀ ਲਈ ਕੋਸ਼ਿਸ਼ ਕਰਨ ਦੀ ਕੋਈ ਹੱਦ ਨਹੀਂ ਹੈ, ਸਾਡੇ ਲਈ ਸੁਰੱਖਿਆ ਦੀ ਕੋਈ ਹੱਦ ਨਹੀਂ ਹੈ ਅਤੇ ਸਾਡੇ ਲਈ ਸਰਬਉੱਚਤਾ ਦਾ ਵਿਰੋਧ ਕਰਨ ਦੀ ਕੋਈ ਹੱਦ ਨਹੀਂ ਹੈ। ਤੁਰਕੀ ਦੇ ਇਸਤਾਂਬੁਲ ਵਿੱਚ ਰੂਸ ਅਤੇ ਯੂਰਪ ਦਰਮਿਆਨ ਹਾਲ ਦੇ ਦੌਰ ਦੀ ਗੱਲਬਾਤ ਤੇ ਟਿੱਪਣੀ ਕਰਦੇ ਹੋਏ ਵੇਨਬਿਨ ਨੇ ਦੋਵਾਂ ਪੱਖਾਂ ਵੱਲੋਂ ਪ੍ਰਦਰਸ਼ਿਤ ਸਕਾਰਾਤਮਕ ਸੰਕੇਤਾਂ ਦਾ ਜ਼ਿਕਰ ਕੀਤਾ। ਉਨ੍ਹਾਂ ਕਿਹਾ ਕਿ ਸਾਡਾ ਹਮੇਸ਼ਾ ਤੋਂ ਮੰਨਣਾ ਰਿਹਾ ਹੈ ਕਿ ਯੂਕ੍ਰੇਨ ਸੰਕਟ ਦੇ ਹੱਲ ਲਈ ਗੱਲਬਾਤ ਹੀ ਇਕੋ ਸਹੀ ਤਰੀਕਾ ਹੈ।
