ਪਾਰਕ ‘ਚ ਸੈਰ ਕਰਨ ਗਈ ਨਾਬਾਲਗ ਕੁੜੀ ਨਾਲ ਬੇਰਹਿਮੀ, ਟਾਇਲਟ ‘ਚ ਮਿਲੀ ਬੰਦ, ਪੀੜਤਾ ਨੇ ਸੁਣਾਈ ਦਰਦਨਾਕ ਘਟਨਾ

13 ਸਾਲਾ ਧੀ ਮੰਗਲਵਾਰ ਸਵੇਰੇ ਲਗਪਗ 9 ਵਜੇ ਪਾਰਕ ਵਿੱਚ ਸੈਰ ਕਰਨ ਗਈ ਸੀ। ਇੱਕ ਬਾਈਕ ‘ਤੇ ਸਵਾਰ ਨੌਜਵਾਨ ਪਾਰਕ ਦੇ ਨੇੜੇ ਆਇਆ ਤੇ ਉਸਨੂੰ ਵਰਗਲਾ ਕੇ ਲੈ ਗਿਆ। ਜਦੋਂ ਕੁੜੀ ਕਾਫ਼ੀ ਦੇਰ ਤੱਕ ਘਰ ਨਹੀਂ ਪਰਤੀ ਤਾਂ ਪਰਿਵਾਰ ਪਾਰਕ ਵਿੱਚ ਗਿਆ ਅਤੇ ਪਤਾ ਲੱਗਾ ਕਿ ਇੱਕ ਅਣਜਾਣ ਨੌਜਵਾਨ ਉਸਨੂੰ ਆਪਣੀ ਬਾਈਕ ‘ਤੇ ਲੈ ਗਿਆ ਹੈ।

ਇਸ ਦੌਰਾਨ ਉਸਦੀ ਭਾਲ ਕਰਦੇ ਹੋਏ ਪਰਿਵਾਰ ਨੇ ਇੱਕ ਇਮਾਰਤ ਦੇ ਨੇੜੇ ਬਾਈਕ ਖੜ੍ਹੀ ਦੇਖੀ। ਉਹ ਅੰਦਰ ਦੇਖਣ ਗਏ। ਉਨ੍ਹਾਂ ਨੂੰ ਅੰਦਰ ਕੋਈ ਨਹੀਂ ਮਿਲਿਆ। ਜਦੋਂ ਉਹ ਛੱਤ ‘ਤੇ ਗਏ ਤਾਂ ਉਨ੍ਹਾਂ ਨੇ ਕੁੜੀ ਨੂੰ ਉੱਪਰਲੀ ਇਮਾਰਤ ਦੇ ਟਾਇਲਟ ਵਿੱਚ ਬੰਦ ਪਾਇਆ। ਉਨ੍ਹਾਂ ਨੇ ਪੁਲਿਸ ਨੂੰ ਫ਼ੋਨ ਕੀਤਾ ਅਤੇ ਘਟਨਾ ਬਾਰੇ ਜਾਣਕਾਰੀ ਦਿੱਤੀ।

ਲੜਕੀ ਨੇ ਕਿਹਾ ਕਿ ਦੋਸ਼ੀ ਨੇ ਉਸ ਨਾਲ ਜਬਰ ਜਨਾਹ ਕੀਤਾ ਹੈ। ਏਸੀਪੀ ਨੇ ਕਿਹਾ ਕਿ ਪੁਲਿਸ ਨੇ ਦੋਸ਼ੀ ਮੁਜ਼ੱਫਰ ਵਿਰੁੱਧ ਰਿਪੋਰਟ ਦਰਜ ਕਰ ਲਈ ਹੈ ਤੇ ਉਸਦੀ ਭਾਲ ਸ਼ੁਰੂ ਕਰ ਦਿੱਤੀ ਹੈ। ਦੋਸ਼ੀ ਨੂੰ ਜਲਦੀ ਹੀ ਗ੍ਰਿਫ਼ਤਾਰ ਕਰ ਲਿਆ ਜਾਵੇਗਾ।