ਪਾਕਿਸਤਾਨ ‘ਤੇ ਤਿੱਖਾ ਹਮਲਾ ਕਰਦਿਆਂ ਭਾਰਤ ਨੇ ਕਿਹਾ ਹੈ ਕਿ 9/11 ਦੇ ਹਮਲਿਆਂ ਦੇ “ਸੂਤਰਧਾਰ” ਕਿਸੇ “ਗੁਫਾ ਜਾਂ ਬੀਆਬਾਨ ਇਲਾਕਿਆਂ” ਵਿੱਚ ਨਹੀਂ ਲੁਕੇ ਹੋਏ ਸਨ, ਸਗੋਂ ਉਹ(ਪਾਕਿਸਤਾਨ) ਲੰਬੇ ਸਮੇਂ ਤੱਕ ਫੜੇ ਜਾਣ ਤੋਂ ਬਚੇ ਰਹੇ; ਭਾਰਤ ਨੇ ਜ਼ੋਰ ਦੇ ਕੇ ਕਿਹਾ ਕਿ ਉਹੀ “ਸਹੂਲਤ ਭਰਿਆ ਮਾਹੌਲ” ਅੱਜ ਵੀ ਲਸ਼ਕਰ-ਏ-ਤੋਇਬਾ ਅਤੇ ਜੈਸ਼-ਏ-ਮੁਹੰਮਦ ਵਰਗੇ ਅਤਿਵਾਦੀ ਸਮੂਹਾਂ ਦੀ ਮਦਦ ਕਰ ਰਿਹਾ ਹੈ।
ਸੰਯੁਕਤ ਰਾਸ਼ਟਰ ਸੁਰੱਖਿਆ ਪਰਿਸ਼ਦ ਦੀ ਅਫਗਾਨਿਸਤਾਨ ਦੀ ਸਥਿਤੀ ਬਾਰੇ ਮੀਟਿੰਗ ਵਿੱਚ ਬੋਲਦਿਆਂ, ਭਾਰਤ ਦੇ ਸਥਾਈ ਪ੍ਰਤੀਨਿਧ ਹਰੀਸ਼ ਪਰਵਥਨੇਨੀ ਨੇ 11 ਸਤੰਬਰ, 2001 ਦੇ ਹਮਲਿਆਂ ਦੇ ਇਤਿਹਾਸ ਨੂੰ ਯਾਦ ਕੀਤਾ। ਉਨ੍ਹਾਂ ਕਿਹਾ ਕਿ ਅਲ-ਕਾਇਦਾ ਦੇ ਨੇਤਾ ਓਸਾਮਾ ਬਿਨ ਲਾਦੇਨ ਅਤੇ ਖਾਲਿਦ ਸ਼ੇਖ ਮੁਹੰਮਦ ਅੰਤ ਵਿੱਚ ਦੂਰ-ਦੁਰਾਡੇ ਦੇ ਟਿਕਾਣਿਆਂ ਦੀ ਬਜਾਏ ਆਬਾਦ ਭਾਈਚਾਰਿਆਂ ਵਿੱਚੋਂ ਮਿਲੇ ਸਨ।
ਪਰਵਥਨੇਨੀ ਨੇ ਬੁੱਧਵਾਰ ਨੂੰ ਕਿਹਾ, “ਅੰਤਰਰਾਸ਼ਟਰੀ ਭਾਈਚਾਰੇ ਨੇ 9/11 ਦੇ ਮੱਦੇਨਜ਼ਰ ਅਤਿਵਾਦ ਦਾ ਮੁਕਾਬਲਾ ਕਰਨ ਲਈ ਵੈਸ਼ਵਿਕ ਮੁਹਿੰਮ ਦਾ ਸਮਰਥਨ ਕੀਤਾ ਸੀ। ਹਾਲਾਂਕਿ, ਆਓ ਅਸੀਂ ਇਹ ਨਾ ਭੁੱਲੀਏ ਕਿ ਅਲ-ਕਾਇਦਾ ਦੇ ਅਤਿਵਾਦੀ ਵਾਤਾਵਰਣ ਨੇ ਆਪਣੇ ਸਹਿਯੋਗੀਆਂ ਰਾਹੀਂ ਅਫਗਾਨਿਸਤਾਨ ਤੋਂ ਬਾਹਰ ਆਪਣੀ ਰਣਨੀਤਕ ਡੂੰਘਾਈ ਸਥਾਪਤ ਕੀਤੀ ਸੀ।”
ਪਰਵਥਨੇਨੀ ਨੇ ਪਾਕਿਸਤਾਨ ਵੱਲ ਇਸ਼ਾਰਾ ਕਰਦਿਆਂ ਕਿਹਾ, “ਹਰ ਮਾਮਲੇ ਵਿੱਚ, ਇਹ ਗੁਫ਼ਾਵਾਂ ਜਾਂ ਬੀਆਬਾਨਾਂ ਵਿੱਚ ਲੁਕੇ ਹੋਏ ਭਗੌੜੇ ਨਹੀਂ ਸਨ, ਇਹ ਉਹ ਆਦਮੀ ਸਨ ਜੋ ਲੰਬੇ ਸਮੇਂ ਤੋਂ ਫੜੇ ਜਾਣ ਤੋਂ ਬਚਦੇ ਰਹੇ ਸਨ। ਇਸ ਦਲਦਲ ਨੂੰ ਸੁਕਾਉਣਾ ਮਹੱਤਵਪੂਰਨ ਹੈ ਜਿਸ ਨੇ ਮਨੁੱਖਤਾ ਦੇ ਅਜਿਹੇ ਰਾਖਸ਼ਾਂ ਨੂੰ ਪ੍ਰਫੁੱਲਤ ਹੋਣ ਲਈ ਇੱਕ ਅਨੁਕੂਲ ਮਾਹੌਲ ਪ੍ਰਦਾਨ ਕੀਤਾ।”
