ਸਿਡਨੀ, 2 ਮਾਰਚ – ਆਸਟ੍ਰੇਲੀਆ ਦੇ ਪ੍ਰਧਾਨ ਮੰਤਰੀ ਸਕੌਟ ਮੌਰੀਸਨ ਨੂੰ ਕੋਰੋਨਾ ਵਾਇਰਸ ਦੇ ਲੱਛਣ ਮਹਿਸੂਸ ਹੋਣ ਤੋਂ ਬਾਅਦ ਟੈਸਟ ਕਰਨ ਉਪਰੰਤ ਕੋਰੋਨਾ ਪਾਜ਼ੇਟਿਵ ਹੋਣ ਦੀ ਪੁਸ਼ਟੀ ਕੀਤੀ ਗਈ। ਬੀਤੀ ਦੇਰ ਰਾਤ ਇੱਕ ਬਿਆਨ ਵਿੱਚ, ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਉਹ ਫਲੂ ਵਰਗੇ ਲੱਛਣਾਂ ਦਾ ਅਨੁਭਵ ਕਰ ਰਹੇ ਹਨ ਅਤੇ ਆਉਣ ਵਾਲੇ ਹਫ਼ਤੇ ਵਿੱਚ ਠੀਕ ਹੋ ਜਾਣਗੇ। ਮੌਰੀਸਨ ਅਨੁਸਾਰ ਰੋਜ਼ਾਨਾ ਖੁਦ ਦੀ ਜਾਂਚ ਕੀਤੀ ਸੀ, ਸਵੇਰੇ ਸਾਰੇ ਟੈਸਟਾਂ ਦੇ ਨਕਾਰਾਤਮਕ ਨਤੀਜੇ ਆਏ ਪਰ ਫਿਰ ਬੁਖਾਰ ਹੋਣ ਤੋਂ ਬਾਅਦ ਸ਼ਾਮ ਨੂੰ ਇੱਕ ਹੋਰ ਟੈਸਟ ਲਿਆ ਗਿਆ। ਟੈਸਟ ਨਿਰਣਾਇਕ ਸੀ ਇਸ ਲਈ ਉਨ੍ਹਾਂ ਨੇ ਰਾਤ ਇੱਕ ਪੀ. ਸੀ. ਆਰ. ਟੈਸਟ ਲਿਆ, ਜਿਸ ਦਾ ਦੇਰ ਸ਼ਾਮ ਸਕਾਰਾਤਮਕ ਨਤੀਜਾ ਆਇਆ।
